भावानी पेठ : चुडामन तालीम, बी. टी. साहनी स्कूलसमोर रस्ता कामामुळे नागरिकांना मोठा त्रास,स्वयम् क्लिनिक अँड नर्सिंग होम’ येथे रुग्णांची ये-जा अडथळ्यात;,?apcs.in

November 27, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

भावानी पेठ : चुडामन तालीम, बी. टी. साहनी स्कूलसमोर रस्ता कामामुळे नागरिकांना मोठा त्रास,स्वयम् क्लिनिक अँड नर्सिंग होम’ येथे रुग्णांची ये-जा अडथळ्यात; कंत्राटदार निष्काळजीपणे काम करत असल्याचा आरोप,?

भावानी पेठ परिसरातील चुडामन तालीम, बी. टी. साहनी स्कूलच्या समोर स्वयम् क्लिनिक अँड नर्सिंग होम (डॉ. रांका) आहे. सध्या येथे रस्त्याचे काम सुरू असल्याने रुग्ण आणि नागरिकांना मोठ्या प्रमाणात अडचणींना सामोरे जावे लागत आहे.

रुग्णवाहिका तसेच तातडीच्या रुग्णांना ये-जा करणे कठीण झाले असून, रुग्णांना स्ट्रेचरवरून हालचाल करताना धोकादायक परिस्थिती निर्माण होते. परिसरातील रहिवाशांनी कंत्राटदाराकडून निष्काळजीपणे, नियम न पाळता काम सुरू ठेवल्याची तक्रार केली आहे.

पुणे महानगरपालिकेच्या अभियंत्यांनी कंत्राटदाराला नियमांनुसार काम करण्याचे निर्देश दिले असल्याचे सांगितले जाते. मात्र त्याकडे दुर्लक्ष करून कंत्राटदार मनमानीपणे काम सुरूच ठेवत असल्याचा आरोप नागरिकांनी केला आहे.

नागरिकांचा प्रश्न असा की—
“या रस्त्यावरील अव्यवस्थेमुळे एखादा रुग्ण अडला, कोणी पडले, अपघात झाला किंवा जीवितहानी झाली तर याची जबाबदारी कोण घेणार?”

अनेक वेळा तक्रार करूनही पुणे महानगरपालिका कंत्राटदाराविरोधात कोणतीही ठोस कारवाई करत नसल्याने नागरिकांमध्ये नाराजी व्यक्त केली जात आहे. कंत्राटदाराला राजकीय पाठबळ आहे का? दबाव आहे का? असा सवालही स्थानिकांकडून उपस्थित केला जात आहे.