रांजणगाव बाजारात उघड्यावर अवैध धंदे! पोलीस ठाण्याच्या हद्दीतच सुरू ‘जुगार’ प्रकार; नागरिकांत तीव्र नाराजी,apcs.in

November 26, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

रांजणगाव बाजारात उघड्यावर अवैध धंदे! पोलीस ठाण्याच्या हद्दीतच सुरू ‘जुगार’ प्रकार; नागरिकांत तीव्र नाराजी,

रांजणगाव – बुधवारी लागणाऱ्या रांजणगावच्या आठवडी बाजारात काही लोकांकडून उघडपणे अवैध जुगारासारख्या प्रकारांचे धंदे सुरू असल्याचे धक्कादायक चित्र समोर आले आहे. बाजारातील गर्दीचा फायदा घेत पैसे लावण्याचे खेळ रस्त्यावर टेबल लावून चालवले जात असल्याचे व्हिडिओद्वारे स्पष्ट दिसत आहे.

स्थानिक नागरिकांच्या माहितीनुसार, आठवड्यात दोन दिवस हे अवैध प्रकार बेधडक सुरू असतात, मात्र या विरोधात कोणतीही ठोस कारवाई अद्याप झाली नसल्याने नागरिकांत संताप आहे.

या ठिकाणी ‘वसुलीवाल्यांच्या मेहेरबानीने’ हे धंदे सुरू आहेत, अशी नागरिकांची गंभीर तक्रार आहे. रांजणगाव पोलीस ठाण्याच्या हद्दीतच उघडपणे सुरू असलेले हे प्रकार पोलिसांच्या कार्यक्षमतेवर प्रश्नचिन्ह उभे करत आहेत.

नागरिकांचे म्हणणे आहे की,
“बाजारात कुटुंबांसह खरेदीला येणाऱ्या लोकांना यामुळे मोठी गैरसोय होते. अशा जुगारसदृश खेळांतून भांडणे, पैशांवरून वाद, तसेच गुन्हेगारी प्रवृत्तीला खतपाणी मिळत आहे. पोलीस प्रशासनाने तातडीने लक्ष घालावे.”