कोंढवा खुर्द व बुद्रुक परिसरात अनधिकृत बांधकामांवर (PMC) ची कारवाई,apcs.in

September 29, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

कोंढवा खुर्द व बुद्रुक परिसरात अनधिकृत बांधकामांवर कारवाई,

पुणे – कोंढवा खुर्द व कोंढवा बुद्रुक परिसरातील अनधिकृत बांधकामांवर पुणे महापालिकेच्या विशेष पथकाने आज, दि. 29 सप्टेंबर 2025 रोजी कारवाई केली.

शिवनेरी नगर, गल्लीनंबर 3 येथे दोन P+3 मजल्यांच्या इमारतींवर, तसेच संत ज्ञानेश्वर नगर, काकडे वस्ती, सर्वे नं. 5 येथे तीन P+3 मजल्यांच्या इमारतींवर मिळून सुमारे 5,500 चौ.फुट आरसीसी बांधकामावर कारवाई करण्यात आली.

या कारवाईसाठी 6 बिगारी, 5 पोलीस कर्मचारी, 1 जेसीबी, 4 ब्रेकर, 2 गॅस कटर, 5 कनिष्ठ अभियंता व 2 उपअभियंता उपस्थित होते.

महापालिकेच्या कारवाईनंतर सदर इमारती धोकादायक झालेल्या असून त्यांचा वापर करू नये, तसेच कोणत्याही नागरिकांनी या इमारतींमध्ये सदनिका खरेदी करू नयेत, असे आवाहन पुणे महानगरपालिकेतर्फे करण्यात आले आहे.

यासोबतच जर संबंधित बांधकाम पुन्हा सुरू करण्याचा प्रयत्न झाला, तर संबंधित बांधकाम व्यावसायिकांवर गुन्हा दाखल केला जाईल, असा इशाराही देण्यात आला आहे. अनधिकृत बांधकामांवर सातत्याने कारवाई करण्यासाठी महापालिकेने खास विशेष पथकाची स्थापना केली असल्याचेही यावेळी सांगण्यात आले.