पुणे शहर गुन्हे शाखा – दरोडा व वाहन चोरी विरोधी पथकाची कारवाई : २ घरफोडीचे गुन्हे उघडकीस,apcs.in

August 31, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

पुणे शहर गुन्हे शाखा – दरोडा व वाहन चोरी विरोधी पथकाची कारवाई : २ घरफोडीचे गुन्हे उघडकीस,

पुणे – पूर्व विभागात गणेशोत्सवाच्या पार्श्वभूमीवर गुन्हे प्रतिबंधक गस्तीदरम्यान मिळालेल्या माहितीच्या आधारे दरोडा व वाहन चोरी विरोधी पथक ०२ ने दोन घरफोडीचे गुन्हे उघड केले आहेत.

पोलिस उपनिरीक्षक संतोष तानवडे, सहाय्यक पोलीस फौजदार के. डी. चव्हाण, पोलीस अंमलदार एस. एम. होले, पोलीस अंमलदार खरपुडे व पोलीस अंमलदार लोखंडे असे पथक कामगिरीवर असताना ही कारवाई करण्यात आली.

गुन्हा क्र. 330/2025 – काळेपडळ पोलीस ठाणे (BNS कलम 305) संशयित आरोपी आकाश किशोर चौधरी (रा. मंतरवाडी, खंडोबा मंदिराजवळ) यास येरवडा परिसरातून ताब्यात घेण्यात आले. चौकशीत त्याने साथीदार मोहन लक्ष्मण कडावद (सध्या जेलमध्ये) याच्यासह सदर गुन्हा केल्याची कबुली दिली.

गुन्हा क्र. 247/2025 – फुरसुंगी पोलीस ठाणे (BNS कलम 305, 331(3), 331(4))
आरोपीने या गुन्ह्याचीही कबुली दिली असून त्याबाबत सीसीटीव्ही फुटेजमध्ये आरोपी दिसत असल्याचे स्पष्ट झाले आहे.सदर आरोपीची वैद्यकीय तपासणी करून पुढील कायदेशीर कारवाईसाठी काळेपडळ पोलीस ठाण्याकडे ताबा देण्यात आला आहे.

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526