गोळीबार मैदान चौकातील खड्ड्यांचा प्रश्न गंभीर – वानवडी वाहतूक विभागाचे पोलिसांनी घेतला पुढाकार,apcs.in

September 15, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

गोळीबार मैदान चौकातील खड्ड्यांचा प्रश्न गंभीर – वाहतूक पोलिसांनी घेतला पुढाकार,

पुणे – गोळीबार मैदान चौक परिसरात मोठ्या प्रमाणात खड्डे पडल्याने वाहनधारकांना मोठ्या अडचणींना सामोरे जावे लागत आहे. सोलापूर बाजार चौकीपासून गोळीबार मैदानापर्यंत रस्त्यांवर पावसामुळे खड्ड्यांचा पाऊस पडलेला आहे.

यासंदर्भात कॅन्टोन्मेंट कार्यालयाकडे तक्रार केली असता त्यांनी हे काम सार्वजनिक बांधकाम विभागाचे (PWD) असल्याचे सांगितले. तर पीडब्ल्यूडीकडून हे काम बीआरटी किंवा महापालिकेकडे असल्याचे सांगितले जात आहे. त्यामुळे रस्ता दुरुस्तीचे काम नेमके कोणाकडे आहे याबाबत गोंधळ निर्माण झाला आहे.

दरम्यान, या समस्येकडे लक्ष देत वानवडी वाहतूक विभागाचे वरिष्ठ पोलीस निरीक्षक श्री. फुलपगारे यांच्या मार्गदर्शनाखाली पोलीस हवालदार पवळे, पाटील, तामाने, महिला पोलीस हवालदार नांगरे, पोलीस शिपाई भोसले, आल्हाट व चव्हाण यांनी स्वतः पुढाकार घेऊन खड्डे भरण्याचे काम हाती घेतले.

स्थानिक नागरिकांनी वाहतूक पोलिसांच्या या उपक्रमाचे कौतुक केले असले तरी, संबंधित विभागांनी तातडीने जबाबदारी स्वीकारून कायमस्वरूपी रस्ता दुरुस्ती करावी, अशी मागणी होत आहे.