रस्ता पेठ पॉवर हाऊससमोर फुटपाथवर दुचाकींचा कब्जा; नागरिक त्रस्त, समार्थ ट्रॅफिक विभागाचे दुर्लक्ष? ??? apcs.in

February 22, 2026 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

पुणे : रस्ता पेठ येथील एमएसईबी पॉवर हाऊस कार्यालयाजवळ दुचाकी एजंटांनी फुटपाथवरच वाहनांची रांग लावल्याने नागरिकांना चालण्यासाठी जागाच उरलेली नाही. दुकानांसमोर मोठ्या प्रमाणात दुचाकी उभ्या केल्यामुळे पादचाऱ्यांना रस्त्यावरून चालावे लागत असून अपघाताचा धोका निर्माण झाला आहे.

स्थानिक नागरिकांच्या मते, फुटपाथवर वाहन लावल्यास सामान्य नागरिकांवर तत्काळ कारवाई केली जाते. मात्र येथे दुचाकी एजंटांकडून उघडपणे फुटपाथ अडवला जात असतानाही समार्थ ट्रॅफिक विभागाकडून कोणतीही ठोस कारवाई होताना दिसत नाही. त्यामुळे नागरिकांमध्ये नाराजीचे वातावरण आहे.

“सामान्यांवर कारवाई आणि एजंटांना मोकळीक का?” असा सवाल नागरिकांकडून उपस्थित केला जात आहे. समार्थ पोलीस ठाण्याचे अधिकारी व ट्रॅफिक विभागाचे संबंधित कर्मचारी याकडे जाणीवपूर्वक दुर्लक्ष करत आहेत का, अशी शंका व्यक्त केली जात आहे.

रस्ता पेठ पॉवर हाऊस परिसरातील ही समस्या तातडीने सोडवून फुटपाथ मोकळे करावेत व जबाबदारांवर कारवाई करावी, अशी मागणी नागरिकांनी केली आहे. पुणे पोलीस आयुक्तांनी या प्रकरणात लक्ष घालून योग्य ती कार्यवाही करावी, अशी अपेक्षा व्यक्त होत आहे.