भवानी पेठेत कंत्राटदाराचा बेफिकीर कारभार;नागरिक त्रस्त,शाळकरी मुलांच्या जीवाला धोका,महानगरपालिकेचे अभियंते या ठिकाणी लक्ष का देत नाहीत?

November 25, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

भवानी पेठेत कंत्राटदाराचा बेफिकीर कारभार; नागरिक त्रस्त, शाळकरी मुलांच्या जीवाला धोका,महानगरपालिकेचे अभियंते या ठिकाणी लक्ष का देत नाहीत?

पुणे – भवानी पेठ येथील चूडामणी तालिम – अलंकार मेडिकल समोर डेनिस लाईन आणि रस्त्याचे काम सुरू असून, हे काम पूर्णपणे निष्काळजीपणे सुरू केल्याचा आरोप स्थानिक नागरिकांनी केला आहे. कंत्राटदाराने पुणे महानगरपालिकेचे एकही नियम पाळले नसल्याने परिसरात मोठ्या प्रमाणात धोकादायक परिस्थिती निर्माण झाली आहे.

रस्त्याच्या मध्यभागी मोठे खड्डे, उघडी पाईपलाईन, दगडांची ढिगारे, वाहतुकीची कोंडी – या सर्वामुळे नागरिकांना ये-जा करण्यास प्रचंड अडचण होत आहे. विशेष म्हणजे कामाच्या ठिकाणी सुरक्षा फित, बॅरिकेड्स, साईनबोर्ड, सावधानतेचे कोणतेही चिन्ह लावलेले नाहीत.

स्थानिक नागरिकांचा सवाल आहे की,
“महानगरपालिकेचे अभियंते या ठिकाणी लक्ष का देत नाहीत? एखादा अपघात झाला, नुकसान झाले किंवा एखाद्या व्यक्तीचा जीव गेला तर जबाबदार कोण?”

काही नागरिकांचा आरोप असा आहे की कंत्राटदाराला राजकीय पाठबळ मिळाले असल्याने तो बेधडकपणे नियम मोडत आहे. त्यामुळे PMC अधिकारीही या भागाकडे दुर्लक्ष करत असल्याची चर्चा परिसरात आहे.

त्याहून गंभीर बाब म्हणजे—
या धोकादायक कामाच्या ठिकाणापासून फक्त 100 मीटरवर एक शाळा आहे. शाळा सुटण्याच्या वेळी लहान मुलांना या रस्त्यावरूनच जावे लागते. मोठ्या खड्ड्यांमधून, उघड्या पाईप्समधून आणि वाहतुकीच्या गोंधळातून हे विद्यार्थी जाताना त्यांच्या सुरक्षेचा गंभीर प्रश्न निर्माण झाला आहे.