पुणे मार्केट यार्डात जुगार-पत्ते क्लबचा उच्छाद; पोलिसांच्या आशिर्वादाने सुरू अवैध धंदे?apcs.in

October 22, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

पुणे मार्केट यार्डात जुगार-पत्ते क्लबचा उच्छाद; पोलिसांच्या आशिर्वादाने सुरू अवैध धंदे?

पुणे | मार्केट यार्ड परिसरात अवैध व्यवसायांचे जाळे थांबण्याचे नाव घेत नाहीये. नुकताच एक नवीन जुगार आणि पत्ते क्लबचा व्हिडिओ समोर आला असून, हा क्लब मार्केट पोलीस ठाण्याच्या तथाकथित “वसुली बहादूर” च्या आशिर्वादाने सुरू असल्याची गंभीर चर्चा नागरिकांमध्ये रंगली आहे.

स्थानिक व्यापारी व नागरिकांनी असा आरोप केला आहे की, मार्केट यार्डात काही प्रभावशाली व्यक्तींच्या छत्रछायेखाली जुगार, मटका आणि इतर अवैध धंदे निर्धोकपणे सुरू आहेत. काही पोलिस कर्मचारी आणि अधिकारी या ठिकाणी डोळेझाक करत असल्याचे आरोपही होत आहेत.

या पार्श्वभूमीवर नागरिकांकडून मोठ्या प्रमाणावर संताप व्यक्त होत असून, “पुणे पोलीस आयुक्तांनी यावर तातडीने कारवाई करावी,” अशी मागणी जोर धरू लागली आहे.

अँटी करप्शन स्क्वाड ट्रस्टचे अध्यक्ष वाजिद खान यांनी यावर तीव्र प्रतिक्रिया देत सांगितले की —
“मार्केट यार्डात दररोज रात्री पत्ते क्लब, मटका आणि इतर अवैध धंदे बिनधास्तपणे चालतात. हे सर्व थांबवण्यासाठी पोलीस आयुक्तांनी स्वतः पुढाकार घ्यावा आणि जे अधिकारी गुन्हेगारांना संरक्षण देतात, त्यांच्यावरही कठोर कारवाई करावी.”

स्थानिक नागरिकांनी असेही सांगितले की, “कायद्याचे रक्षकच जर कायदा मोडणाऱ्यांना संरक्षण देत असतील, तर सामान्य नागरिकांचा पोलिसांवरील विश्वास डळमळीत होईल.”