पुण्यात दिवाळी पार्टीत रंगला जुगार; कोरेगाव पार्क पोलिसांवर प्रश्नचिन्ह?!apcs.in

October 21, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

पुण्यात दिवाळी पार्टीत रंगला जुगार; कोरेगाव पार्क पोलिसांवर प्रश्नचिन्ह!?

पुणे : पोलीसनामा ऑनलाइन – पुण्यातील उच्चभ्रू परिसरात म्हणून ओळख असलेल्या कोरेगाव पार्क परिसरात अलिकडील काळात नेमकं काय चाललंय असाच काहीसा प्रश्न निर्माण झाला आहे.

पुणे – कोरेगाव पार्क परिसरातील एका पबमध्ये दिवाळीच्या पार्टीदरम्यान जुगाराचे फड रंगल्याचे समोर आले असून, या प्रकरणावरून पुणे पोलीस आयुक्तांकडून संबंधित अधिकाऱ्यांवर कारवाई होणार का, असा प्रश्न उपस्थित होत आहे.

स्थानिक नागरिकांच्या माहितीनुसार, कोरेगाव पार्क पोलिस ठाण्याच्या हद्दीत काही पब आणि खासगी ठिकाणी अवैध धंदे सुरू आहेत. दिवाळीच्या सणाच्या पार्श्वभूमीवर रात्री उशिरापर्यंत सुरू असलेल्या या पार्टींमध्ये जुगाराचे अड्डे चालवले जात असल्याची चर्चा सुरू आहे.

याच दरम्यान, कोरेगाव पार्क पोलीस ठाण्याचे वरिष्ठ निरीक्षक आणि त्यांच्या कार्यक्षेत्रातील तथाकथित “वसुली बहादूर” यांच्यावर नागरिकांनी प्रश्न उपस्थित केले आहेत. दिवाळीच्या काळात अशा अवैध कारवाया सुरू असताना पोलिसांकडून कोणतीही ठोस कारवाई होत नसल्याने नागरिकांमध्ये नाराजी व्यक्त केली जात आहे.

पुणे पोलीस आयुक्तांनी या प्रकरणाची दखल घेऊन कोरेगाव पार्क परिसरातील पब, क्लब आणि खासगी ठिकाणांवर देखरेख वाढवावी आणि संबंधितांवर कडक कारवाई करावी, अशी मागणी नागरिकांकडून होत आहे.

सोशल मीडियावर बातमी प्रसिद्ध केली आहे,News 18 Lokmat

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526