परिक्षा परिषदेच्या आयुक्तांकडूनच नोकरी लावण्याचे शिक्षक म्हणून नोकरीचे आमिष दाखवून लाखो रूपयांची फसवणूक केली:हडपसर पोलीस ठाण्या येथे गुन्हा दाखल.
ACS POLICE CRIME SQUAD ONLINE PORTAL
पुणे, दि. 23 फेब्रुवारी २०२३ :(ACS NEWS ONLINE PORTAL)
ए.सी.एस.पुलीस क्राईम स्कॉड.(ACS NEWS) ९८२२३३१५२६
परिक्षा परिषदेच्या आयुक्तांकडूनच नोकरी लावण्याचे शिक्षक म्हणून नोकरीचे आमिष दाखवून लाखो रूपयांची फसवणूक केली: हडपसर येथे गुन्हा दाखल.
शिक्षण विभागात प्रशासन अधिकारी असल्याचे सांगून ४५ जणांची लाखो रुपयांची फसवणूक केल्याप्रकरणी शैलेजा दराडे यांच्यावर पोलिसांनी गुन्हा दाखल केला आहे. या संपूर्ण प्रकरणात तब्बल लोकांची रुपयांची फसवणूक झाल्याचा पोलिसांचा अंदाज आहे.शैलेजा दराडे या परीक्षा परिषदेच्या आयुक्त आहेत. आपल्या भावाने आपल्या पदाचा गैरफायदा घेऊन ही फसवणूक केल्याचा शैलजा दराडे यांनी दावा केला आहे.
- हडपसर वरिष्ठ पोलीस निरीक्षक अरविंद गोकुळे यांची धडाकेबाज कामगिरी.
- बेरोजगार तरूण तरूणींना नोकरीचे आमिष दाखवून लुबाडणाऱ्या आयुक्तांवरच फसवणूकीचा गुन्हा दाखल.
शिक्षण विभागातील बोकाळलेला भ्रष्टाचार ऐरणीवर आला असून तीन दिवसांपूर्वीच एका लेखा अधिकाऱ्यावर लाचलूचपत विभागाने कारवाई केली असताना आता थेट आयुक्तांवरच फसवणूकीचा गुन्हा नोंद झाल्याने शिक्षण विभागात खळबळ उडाली आहे.
परिक्षा परिषदेच्या आयुक्त श्रीमती शैलजा रामचंद्र दराडे (रा.सूस,पाषाण, पुणे) व त्यांच्या भाऊ दादासाहेब रामचंद्र दराडे (रा.इंदापूर पुणे) यांच्या विरूद्ध हडपसर पोलीस ठाण्यात फसवणूकीचा गुन्हा दाखल झाल्याने खळबळ उडाली आहे.
याबाबत अधिक माहिती अशी की, फिर्यादी पोपट सुखदेव सुर्यवंशी रा.आटपाडी जि.सांगली यांच्या वहिणी पुजा पोपट यादव व निता पांडूरंग रणदिवे यांना शिक्षक म्हणून नोकरीस लावण्यासाठी आरोपी शैलेजा दराडे व त्यांचे भाऊ दादासाहेब दराडे यांनी १२ लाख व १५ लाख रूपयांची मागणी केली. फिर्यादी यांनी सन २०१९ पासून आजतागायत वेळोवेळी २७ लाख रूपये हडपसर गाळीतळ येथे भेटून दिले. पैश्यांचा पुरवठा करून देखिल नोकरीचा कॉल येत नसल्याने फिर्यादी यांना फसवणूक झाल्याचे लक्षात आले. यावेळी फिर्यादी यांनी हडपसर पोलीसांकडे तक्रार अर्ज दाखल केला.
हडपसर पोलीस ठाण्याचे वरिष्ठ पोलीस निरिक्षक अरविंद गोकुळे यांनी बेरोजगार युवतींच्या आयुष्याशी खेळ करणाऱ्या महिला अधिकारी व त्यांचे भाऊ यांची सखोल तपासणी करत गुन्हा नोंदविला. वपोनि गोकुळे यांच्या धडाकेबाज कामगिरीमुळे फसवूणक झालेल्या अनेक बेरोजगार तरूण-तरूणींना मोठा दिलासा मिळाला आहे. गुन्हा दाखल झाल्यामुळे आणखी काहीजण हडपसर येथे दराडे यांच्या विरूद्ध तक्रारीसाठी पुढे येतील अशी शक्यता आहे.
तसेच फिर्यादी यांनी आणखी ४४ लोकांची फसवणूक झाल्याबद्दल तक्रार केल्यामुळे सदर भ्रष्टाचाराची पाळेमुळे आणखी खोलावर गेली असण्याची शक्यता आहे.
फिर्यादी दिलेल्या तक्रारीवरुन पोलिसांनी दोघांवरही गुन्हा दाखल केला असून सहायक पोलीस निरीक्षक थोरबोले अधिक तपास करीत आहेत.
ACS POLICE CRIME SQUAD ONLINE PORTAL
CHIEF EDITOR WAJID S KHAN 9822331526
ए.सी.एस.पुलीस क्राईम स्कॉड.(ACS NEWS) ९८२२३३१५२६
फेसबुक पेज लाईक आणि फॉलॉसाठी क्लिक करा..👇🏻
https://www.facebook.com/acspolicecrimesquad/
आमचे टेलिग्रामवर जॉईंट होण्यासाठी खालील लिंकवर क्लिक करा👇🏻
Acs Police Crime Squad News Portal
https://t.me/AcsPoliceCrimeSquad
