कोंढवा खुर्द येथील साईबाबा नगरमध्ये बेकायदेशीर बांधकाम! नागरिकांनी व्यक्त केला संताप,(PMC) कडे वाजिद खान करणार पाठपुरावा,apcs.in

October 22, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

कोंढवा खुर्द येथील साईबाबा नगरमध्ये बेकायदेशीर बांधकाम! नागरिकांनी व्यक्त केला संताप,

पुणे: कोंढवा खुर्द येथील साईबाबा नगर, गली क्रमांक १०, अबूबकर मस्जिद लाईन परिसरात सर्व्हे नंबर ६२ मध्ये एका बिल्डरकडून PMC ची कोणतीही परवानगी न घेता बेकायदेशीर बांधकाम सुरू असल्याची धक्कादायक माहिती समोर आली आहे.

सदर बिल्डरने पुणे महापालिका (PMC) तसेच महसूल खात्याकडून कोणतीही मंजुरी न घेता बिनधास्तपणे इमारतीचे काम सुरू केले असून, नागरिकांची दिशाभूल करून फसवणूक केली जात असल्याचे समोर आले आहे.

या संदर्भात अँटी करप्शन स्क्वॉड (T) चे ऑल इंडिया प्रेसिडेंट वाजिद खान यांनी पुणे महापालिकेकडे तक्रार दाखल केली असून, PMC प्रशासनाने तत्काळ कारवाई करून सदर बिल्डरवर गुन्हा दाखल करण्याची मागणी केली आहे.

वाजिद खान यांनी सांगितले की, “या बेकायदेशीर बांधकामामुळे PMC ला मोठा आर्थिक तोटा झाला आहे. कर न भरता आणि परवानगीशिवाय सुरू असलेले हे बांधकाम नियमांचा सरळसरळ भंग आहे.”

यापूर्वी देखील PMC कडून अनेक बेकायदेशीर बांधकामांवर कारवाई करण्यात आली होती, मात्र संबंधित बिल्डरला याची कुठलीही भीती नसल्याचे स्पष्ट दिसत आहे. कोणाच्या आशीर्वादाने हे बांधकाम सुरू आहे, हा प्रश्न नागरिकांमध्ये चर्चेचा विषय ठरला आहे.