पत्रकारांचा सणासुदीतही आक्रोश : जाहिरात मागितली की लोक फिरवतात पाठ!?apcs.in

October 26, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

✍️ प्रतिनिधी / Wajid S. Khan

सणासुदीच्या काळात प्रत्येक क्षेत्राला आर्थिक चालना मिळत असताना, समाजातील अन्याय आणि सत्यासाठी झटणाऱ्या पत्रकारांच्या वाट्याला मात्र संघर्षच येतो आहे.
जाहिरात मागितली की लोक पाठ फिरवतात; पण कुणाला न्याय मिळत नाही, एखाद्याची व्यथा समाजापर्यंत पोहोचवायची असते, किंवा सरकारपर्यंत प्रश्न नेायचा असतो, तेव्हा मात्र सर्वांनाच पत्रकारांची आठवण येते!

📍 पोलीस स्टेशनमध्ये न्याय न मिळाल्यास – पत्रकार आठवतो,
📍 समाजापर्यंत भावना पोहोचवायच्या असतील – पत्रकार आठवतो,
📍 सरकारपर्यंत प्रश्न पोहोचवायचा असेल – पत्रकार आठवतो!,

“लोकशाहीचा चौथा स्तंभ, पण आर्थिक आधार नाही!”

लोकशाहीचा चौथा स्तंभ म्हणून पत्रकाराचे कार्य सर्वमान्य असले तरी, प्रत्येक पत्रकार आर्थिकदृष्ट्या सक्षम नसतो, हे वास्तव नाकारता येत नाही.समाजातील अन्यायाविरुद्ध लढताना पत्रकाराला आर्थिक आधार मिळणे अत्यंत गरजेचे आहे. स्थानिक समाजाकडून जाहिरातीच्या स्वरूपात किंवा नैतिक पाठबळाच्या रूपात साथ मिळाली, तर पत्रकार अधिक जोमाने काम करू शकतो.

जाहिरात देणं बंधनकारक नाही; पण मग संकटाच्या काळात पत्रकारांकडे मदतीची अपेक्षा ठेवणंही योग्य नाही, असे परखड मत अनेक पत्रकारांनी व्यक्त केले.

💬 “आर्थिक मदत नसेल, तरी पाठिंबा असू द्या!”

“आम्हाला मदत नाही दिलीत तरी चालेल, पण आमच्या कामाला पाठिंबा द्या,” असा संदेश पत्रकारांनी दिला आहे.
ते समाजातील प्रत्येक घटकासाठी झटतात, अन्यायाविरुद्ध आवाज उठवतात आणि दुर्लक्षितांचा आवाज शासनापर्यंत पोहोचवतात.

एक छोटी जाहिरात, एक छोटा पाठिंबा — एवढ्यानेही पत्रकाराला मोठं प्रोत्साहन मिळतं.
“जाहिरात नाही दिली म्हणून आमचं कर्तव्य थांबणार नाही. गावापासून राज्यापर्यंत – माहिती, सत्य आणि न्यायासाठी आम्ही सदैव झटत राहू,” असा निर्धार पत्रकारांनी व्यक्त केला आहे.

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526