प्रवाशाच्या कानाचा लचका तोडणाऱ्या रिक्षा चालकाला स्वारगेट पोलिसांनी ठोकल्या बेड्या,स्वारगेट पोलीस स्टेशनची कामगिरी.
ACS POLICE CRIME SQUAD ONLINE PORTAL NEWS
(CHIEF EDITOR WAJID S KHAN 9822331526
पुणे :ऑनलाइन –(APCS NEWS) मुख्य संपादक वाजिद एस खान.
दिनांक ०८/०६/२०२३
प्रवाशाच्या कानाचा लचका तोडणाऱ्या रिक्षा चालकाला स्वारगेट पोलिसांनी ठोकल्या बेड्या, रिक्षाच्या भाड्यावरुन झाला होता वाद.
पुण्यात भाड्याच्या कारणावरुन झालेल्या वादातून रिक्षा चालकाने प्रवाशाच्या कानाचा लचका तोडल्याचा धक्कादायक प्रकार घडला होता. या घटनेनंतर रिक्षा चालक तिथून पळून गेला होता. पळून गेलेल्या रिक्षा चालकाचा स्वारगेट पोलीसांनी शोध घेऊन त्याला अटक केली आहे. ही घटना १ जून रोजी पहाटे एकच्या सुमारास स्वारगेट एसटी स्टँड येथे घडली होती. आदेश संजय काळे (वय-39 रा. पर्वती दर्शन पुणे) असे अटक केलेल्या रिक्षा चालकाचे नाव आहे.
रिक्षा भाड्याच्या कारणातून झालेल्या वादात एका प्रवाशाला रिक्षाचालकाने लाथाबुक्यांनी मारहाण केल्यानंतर दाताने चावा घेऊन त्यांच्या कानाचा लचकाच तोडला. याप्रकरणी, रिक्षाचालकाच्या विरुद्ध स्वारगेट पोलीस ठाण्यात आयपीसी 307, 325, 34, क्रिमिनल लॉ अॅमेंडमेट नुसार गुन्हा (FIR) दाखल करण्यात आला आहे.
पोलिसांनी दिलेल्या माहितीनुसार, फिर्यादी हे त्यांच्या मुळगावी अलिबाग येथे जाण्यासाठी स्वारगेट बसस्थानक परिसरात आले होते. त्यावेळी एका रिक्षाचलाकासोबत त्यांचा भाड्याच्या कारणातून वाद झाला. त्यावेळी तेथील काही रिक्षाचालकांनी त्यांना लाथाबुक्यांनी बेदम मारहाण केली. यादरम्यान वाद झालेल्या रिक्षाचालकाने त्यांच्यावर कोयत्याने वार केला पण फिर्य़ादी यांनी वार हुकविला व ते दोघेही खाली पडले. त्यावेळी रिक्षा चालकाने फिर्यादी त्यांच्या कानाच्या वरच्या भागाचा चावा घेऊन लचका तोडला. त्यानंतर आरोपी पळून गेला.
आरोपीचा शोध घेत असताना पोलीस अंमलदार अनिस शेख व शिवा गायकवाड यांना गुन्ह्यातील आरोपी सराईत असुन तो बारामती येथे असल्याची माहिती मिळाली. पोलिसांनी तांत्रिक विश्लेषणाद्वारे तपास केला असता आरोपी पुण्यात गेल्याची माहिती मिळाली. तसेच तो स्वारगेट परिसरात येणार असल्याची माहिती पोलिसांना मिळाली. पोलिसांनी स्वारगेट एसटी स्टँड परिसरात सापळा रचून रात्री दहाच्या सुमारास ताब्यात घेतले. आरोप सराईत गुन्हेगार असून त्याच्यावर ३ खुनाचे व इतर ४ गंभीर गुन्हे दाखल आहेत. पुढील तपास सहायक पोलीस निरीक्षक अश्विनी बावचे करीत आहेत.
सदरची कामगिरी ही मा.अप्पर पोलीस आयुक्त, पश्चिम प्रादेशिक विभाग, पुणे शहर. श्री. प्रविणकुमार पाटील, मा. पोलीस उप-आयुक्त, परिमंडळ-२, पुणे शहर स्मार्तना पाटील, मा. सहा. पोलीस आयुक्त, स्वारगेट विभाग, पुणे शहर श्री. नारायण शिरगावकर, यांचे मार्गदर्शनाखाली स्वारगेट पोलीस स्टेशनचे वरिष्ठ पोलीस निरीक्षक श्री.अशोक इंदलकर, पोलीस निरीक्षक (गुन्हे) सोमनाथ जाधव यांच्या आदेशान्वये तपास पथकातील सहा. पोलीस निरीक्षक प्रशांत संदे, पोलीस उप निरीक्षक अशोक येवले, व पो.हवा मुकुंद तारु, शिवा गायकवाड, फिरोज शेख, रमेश चव्हाण, संदीप घुले, अनिस शेख, दिपक खेदाड, सुजय पवार, प्रविण गोडसे, मपोशि सांगोलकर यांनी एकत्र मिळुन केली आहे.
ACS POLICE CRIME SQUAD ONLINE PORTAL NEWS
CHIEF EDITOR WAJID S KHAN 9822331526
ए.सी.एस.पुलीस क्राईम स्कॉड.(ACS NEWS) ९८२२३३१५२६
फेसबुक पेज लाईक आणि फॉलॉसाठी क्लिक करा..👇🏻
https://www.facebook.com/acspolicecrimesquad/
आमचे व्हाट्सअप ग्रुप वर जॉईंट होण्यासाठी खालील लिंकवर क्लिक करा..
https://chat.whatsapp.com/LdfVRswp7FBK63u40AGAmX
आमचे टेलिग्रामवर जॉईंट होण्यासाठी खालील लिंकवर क्लिक करा👇🏻
Acs Police Crime Squad News Portal
https://t.me/AcsPoliceCrimeSquad
