वाहतूक पोलिसांना स्वतःच्या मोबाईलवर फोटो काढून वाहनधारकांना दंड करण्यास बंदी – शासनाचा स्पष्ट आदेश!

July 16, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

वाहतूक पोलिसांना स्वतःच्या मोबाईलवर फोटो काढून वाहनधारकांना दंड करण्यास बंदी – शासनाचा स्पष्ट आदेश!

मुंबई | ३ जुलै २०२५,

महाराष्ट्र राज्यातील वाहतूक शाखेतील पोलिस अधिकारी व अंमलदारांनी स्वतःच्या खाजगी मोबाईल फोनचा वापर करून वाहने थांबवणे किंवा त्यांचे फोटो काढून दंडात्मक कारवाई करणे थांबवावे, असा स्पष्ट आदेश परिवहन मंत्री मा. श्री. नामदार रवींद्र चव्हाण यांच्या अध्यक्षतेखाली पार पडलेल्या वाहतूक विभागाच्या बैठकीत देण्यात आला आहे.

ही बैठक दिनांक ०२ जुलै २०२५ रोजी मुंबई येथे आयोजित करण्यात आली होती. बैठकीदरम्यान, अनेक वाहनचालकांनी पोलिसांच्या वैयक्तिक मोबाईलमधून होणाऱ्या फोटो काढण्याच्या प्रकाराबाबत तक्रारी केल्या होत्या. त्यामुळे वाहनधारकांचे गोपनीयतेचे उल्लंघन होत असून, त्यात चुकीचा गैरवापर होण्याची शक्यता निर्माण होते, असेही बैठकीत निदर्शनास आले.

या पार्श्वभूमीवर, उपमहानिरीक्षक (वाहतूक), महाराष्ट्र राज्य, मुंबई यांच्या आदेशानुसार, यापुढे सर्व दंडात्मक कारवाई अधिकृत कॅमेऱ्यांद्वारे, सिस्टमवर रेकॉर्ड ठेवून आणि “रीयल टाइम (real-time) डेटा” च्या आधारे केली जावी.