पुणे ससून रुग्णालय येथील अधीक्षक कार्यालयातील वरिष्ठ लिपीकावर अडीच हजार रुपये लाच घेताना अँन्टी करप्शनच्या कारवाई.apcs.news
ACS POLICE CRIME SQUAD ONLINE PORTAL NEWS
CHIEF EDITOR WAJID S KHAN 9822331526
पुणे ससून रुग्णालय येथील अधीक्षक कार्यालयातील वरिष्ठ लिपीकावर अडीच हजार रुपये लाच घेताना व अँन्टी करप्शनच्या कारवाई.apcs.news
वैद्यकीय बीलाची फाईल पूर्ण करुन देण्यासाठी अडीच हजार रुपये लाच स्वीकारताना ससून हॉस्पिटल मधील अधीक्षक कार्यालयातील वरिष्ठ लिपिकाला लाचलुचपत प्रतिबंधक विभागाने सापळा रचून रंगेहाथ पकडले.
पुणे :दि.१०/०८/२०२३ (APCS NEWS) मुख्य संपादक वाजिद एस खान.
थोडक्यात माहिती :- यातील तक्रारदार या शासकीय सेवक असून त्यांचे १,०७,०००/- रुपयाचे वैद्यकिय देयक फाईल मंजुरीकरीता वैद्यकिय आवक-जावक विभाग, अधीक्षक कार्यालय, ससून सर्वोपचार रुग्णालय, पुणे येथे दिनांक २१/७/२०२३ रोजी सादर करण्यात आले होते. सदर वैद्यकिय देयकामध्ये त्रुटी न काढता फाईल पुर्ण करून देण्याकरीता लोकसेवक गणेश गायकवाड यानी ३,०००/- रुपयांची लाच मागणी केल्याची तक्रार तक्रारदार यांनी ला.प्र.वि. पुणे येथे दिली होती.
गणेश सुरेश गायकवाड (वय-४९) असे लाच घेताना पकडलेल्या वरिष्ठ लिपिकाचे नाव आहे. पुणे एसीबीच्या पथकाने ही कारवाई गुरुवारी (दि.१०) ससून हॉस्पिटलच्या नवीन इमारतीच्या चौथ्या मजल्यावर केली.याबाबत ४६ वर्षीय महिलेने पुणे एसीबीकडे तक्रार केली आहे. तक्रारदार महिला या शासकीय सेवक आहेत. त्यानुसार पथकाने बुधवारी (दि.९) पडताळणी केली असता गायकवाड यांनी तक्रारदार यांच्याकडे तीन हजार रुपये लाचेची मागणी करुन तडजोडी अंती २५०० रुपये स्वीकारण्याचे कबूल केले. त्यानुसार पथकाने गुरुवारी ससून हॉस्पिटलच्या नवीन इमारतीच्या चौथ्या मजल्यावर सापळा रचला. तक्रारदार यांच्याकडून लाचेची रक्कम स्वीकारताना गणेश गायकवाड याला रंगेहाथ पकडण्यात आले. गायकवाड यांच्यावर बंडगार्डन पोलीस ठाण्यात भ्रष्टाचार प्रतिबंध कायद्यांतर्गत गुन्हा दाखल केला आहे. पुढील तपास पोलीस निरीक्षक विद्युलता चव्हाण करीत आहेत.
लोकसेवकाने लाचेची मागणी केल्यास त्याबाबत लाचलुचपत प्रतिबंधक विभाग पुणे कार्यालयास खालील नमूद क्रमांकवर सपंर्क साधण्याचे आवाहन श्री. अमोल तांबे, पोलीस अधीक्षक, ला.प्र.वि. पुणे यांनी केले आहे.१. हेल्पलाईन टोल फ्री क्रमांक १०६४.
ही कारवाई पुणे लाचलुचपत प्रतिबंधक विभागाचे पोलीस अधीक्षक अमोल तांबे अपर पोलीस अधीक्षक डॉ. शीतल जानवे यांच्या मार्गदर्शनाखाली पोलीस उप अधीक्षक नितीन जाधव ,पोलीस निरीक्षक विद्युलता चव्हाण पोलीस अंमलदार सरिता वेताळ, रियाज शेख, प्रविण तावरे, पांडुरंग माळी यांच्या पथकाने केली.
ACS POLICE CRIME SQUAD ONLINE PORTAL NEWS
CHIEF EDITOR WAJID S KHAN 9822331526
ए.सी.एस.पुलीस क्राईम स्कॉड.(ACS NEWS) ९८२२३३१५२६
फेसबुक पेज लाईक आणि फॉलॉसाठी क्लिक करा..👇🏻
https://www.facebook.com/acspolicecrimesquad/
आमचे व्हाट्सअप ग्रुप वर जॉईंट होण्यासाठी खालील लिंकवर क्लिक करा..
https://chat.whatsapp.com/LdfVRswp7FBK63u40AGAmX
आमचे टेलिग्रामवर जॉईंट होण्यासाठी खालील लिंकवर क्लिक करा👇🏻
Acs Police Crime Squad News Portal
https://t.me/AcsPoliceCrimeSquad
