पुण्यातील कोंढवा परिसरातील धक्कादायक घटना घडली एका बंद फ्लॅटमध्ये आयपीएल मॅचवर घेणार्‍या सट्टेबाजांच्या रॅकेटचा पर्दाफाश:? खंडणी विरोधी पथक -१,गुन्हे शाखाची कामगिरी.
ACS POLICE CRIME SQUAD ONLINE PORTAL
पुणे : २१/०५/२०२३.(APCS NEWS) मुख्य संपादक वाजिद एस खान.
पुण्यातील कोंढवा परिसरातील धक्कादायक घटना घडली एका बंद फ्लॅटमध्ये आयपीएल मॅचवर घेणार्‍या सट्टेबाजांच्या रॅकेटचा पर्दाफाश:? खंडणी विरोधी पथक -१,गुन्हे शाखाची कामगिरी.
खंडणी विरोधी पथक -१, गुन्हे शाखा, पुणे शहर पथकातील पोलिस नाईक शंकर शिवाजी संपते (बक्कल नं. ७८१२, नेमणुक – खंडणी विरोधी पथक-१, पुणे) यांनी फिर्याद दिली आहे.
ए.सी.एस.पुलीस क्राईम स्कॉड.(ACS NEWS) ९८२२३३१५२६
पुण्यातील कोंढवा परिसरातील साईबाबा नगरमध्ये एक धक्कादायक घटना घडली. धर्मश्री सिग्नेचर सोसायटीतील एका बंद फ्लॅटमध्ये आयपीएल मॅचचे बेटिंग सुरू होते. बेटिंग सुरू असल्याचे कळू नये म्हणून सट्टेबाजांच्या हस्तेकानेच दाराला बाहेरून कुलूप लावले होते आणि तो दुसरीकडे निघून गेला होता. पण खबऱ्यांनी ही माहिती पुणे पोलिसांना दिली. यानंतर पुणे शहर पोलिसांच्या खंडणी विरोधी पथकाने धाड टाकली आणि कारवाई केली. पोलिसांनी शनिवार २० मे २०२३ रोजी संध्याकाळी कारवाई केली. या कारवाईत ३ जणांना अटक करण्यात आली.दरम्यान, या सट्टेबाजांच्या रॅकेटमध्ये पुण्याच्या कोरेगाव पार्क परिसरातील एका प्रसिध्द पबच्या मालकासह मुंबई ,मध्यप्रदेश आणि दुबईतील बुक्कींचा समावेश असल्याची माहिती समोर आली आहे.
पोलिसांनी वसीम हनीफ शेख (३९, रा. फ्लॅट नं. २०४, धर्मश्री सिग्नेचर सोसायटी, साईबाबा नगर, कोंढवा खुर्द), इक्रामा मकसुद मुल्ला (२६, रा. मदने सोसायटी, फ्लॅट नं. १६, घोरपडी पेठ, पुणे) आणि मुसाबिन मेहमुद बाशाइब (३५, रा. ३७१, सोमवार पेठ, नरपतगिरी चौक, हनुमान मंदिराच्या मागे, पुणे) यांना अटक केली आहे. त्यांच्यासह पुण्यातील कोरेगाव पार्क परिसरातील एका प्रसिध्द पबचा मालक जितेश मेहता (रा.पुणे) आणि मध्यप्रदेशातील बडा बुक्की अक्षय तिवारी (रा. इंदौर, मध्यप्रदेश) यांच्याविरूध्द कोंढवा पोलिस स्टेशनमध्ये भादंवि कलम ४२०,३४ तसेच जुगार प्रतिबंधक अधिनियम कलम ४ (अ), ५ सह भारतीय टेलीग्राफ अ‍ॅक्ट कलम २५(क) अन्वये गुन्हा दाखल करण्यात आला आहे.
याबाबत अधिक माहिती अशी की, गुन्हे शाखेतील पोलिस अंमलदार सुधीर इंगळे आणि शंकर संपते यांना काही बुक्की हे कोंढव्यातील एका सोसायटीमध्ये आयपीएल क्रिकेट मॅचवर मोठ्या प्रमाणावर बेटिंग घेत असल्याची माहिती मिळाली होती. प्राप्त माहितीची खातरजमा करण्यात आली. पोलिस आयुक्त रितेश कुमार सह पोलिस आयुक्त संदिप कर्णिक , गुन्हे शाखेचे अप्पर पोलिस आयुक्त रामनाथ पोकळे ,पोलिस उपायुक्त अमोल झेंडे , सहाय्यक पोलिस आयुक्त सतीश गोवेकर यांच्या मार्गदर्शनाखाली खंडणी विरोधी पथक-१ चे वरिष्ठ पोलिस निरीक्षक अजय वाघमारे , पोलिस उपनिरीक्षक मोहनदास जाधव .
पोलिस अंमलदार सुधीर इंगळे, पोलिस अंमलदार शंकर संपते, पोलिस प्रदीप शितोळे, पोलिस विनोद साळुंखे, पोलिस सदोबा भोजराव, पोलिस संग्राम शिनगारे, पोलिस चेतन शिरोळकर, पोलिस सुरेंद्र जगदाळे, पोलिस सचिन अहिवळे आणि इतर पोलिसांनी शनिवारी सायंकाळी सहा वाजण्याच्या सुमारास धर्मश्री सिग्नेचर सोसायटीतील बंद फ्लॅटवर छापा टाकला.
अटक आरोपींसह जितेश मेहता आणि अक्षय तिवारी हे आपआपसात संगणमत करून टाटा आयपीएल २०२३ क्रिकेटची मॅच पाहुन चालू असलेल्या दिल्ली कॅपीटल्स विरूध्द चेन्नई सुपर किंग्सच्या मॅचवर ऑनलाइन पध्दतीने वेगवेगळ्या वेबसाईट आयडीव्दारे मोबाईल हॅन्डसेट व लॅपटॉपचा वापर करून जुगाराचा खेळ खेळवुन स्वतःच्या फायद्याकरिता सर्वसामान्य लोकांची फसवणुक करून ऑनलाईन क्रिकेट व इतर सट्टा खेळत आणि खेळविताना आढळून आले. पोलिसांनी ५ मोबाईल व एक लॅपटॉप जप्त केला आहे.
पोलिसांनी मोबाईल आणि लॅपटॉपची तपासणी सुरू केली असून या रॅकेटमध्ये पुण्यातील कोरेगाव पार्कमधील एका प्रसिध्द पबचा मालक जितेश मेहता आणि मध्यप्रदेशातील बडा बुक्की अक्षय तिवारी याचा समावेश असल्याचे समोर आले आहे.या बुक्कींचे कनेक्शन दुबईला देखील असल्याची माहिती समोर येत आहे. पोलिस प्रकरणाचा सखोल तपास करीत आहेत.
ACS POLICE CRIME SQUAD ONLINE PORTAL
CHIEF EDITOR WAJID S KHAN 9822331526
ए.सी.एस.पुलीस क्राईम स्कॉड.(ACS NEWS) ९८२२३३१५२६
फेसबुक पेज लाईक आणि फॉलॉसाठी क्लिक करा..👇🏻
https://www.facebook.com/acspolicecrimesquad/
आमचे व्हाट्सअप ग्रुप वर जॉईंट होण्यासाठी खालील लिंकवर क्लिक करा..
https://chat.whatsapp.com/LdfVRswp7FBK63u40AGAmX
आमचे टेलिग्रामवर जॉईंट होण्यासाठी खालील लिंकवर क्लिक करा👇🏻
Acs Police Crime Squad News Portal
https://t.me/AcsPoliceCrimeSquad
