बनावट वरिष्ठ पोलिस अधिकारी असल्याची बतावणी करून माजी नगरसेवकाकडे २० लाखांची खंडणी मागणाऱ्या तोतया पोलिसाला सापळा लावून गुन्हे शाखा युनिट-२ ने केली अटक.
ACS POLICE CRIME SQUAD ONLINE PORTAL
दिनांक ०८/०४/२०२३.(APCS NEWS) मुख्य संपादक वाजिद एस खान
बनावट वरिष्ठ पोलिस अधिकारी असल्याची बतावणी करून माजी नगरसेवकाकडे २० लाखांची खंडणी मागणाऱ्या तोतया पोलिसाला सापळा लावून गुन्हे शाखा युनिट-२ ने केली अटक.
ए.सी.एस.पुलीस क्राईम स्कॉड.(ACS NEWS) ९८२२३३१५२६.
लष्कर पो.स्टे गुरनं ७८/२०२३ भादंविक. ३८४, १७०, १८२ या दाखल गुन्हयात पुणे कॅन्टोमेंटचे माजी नगरसेवक यांचेवर पुर्वी दाखल गंभीर गुन्हयाचे अनुषंगाने फिर्यादीस एका अज्ञात व्यक्तीने मोबाईलव्दारे फोन करुन “मी एसीपी, मुंबई बोलतोय” असे भासवून, त्यांचेकडे पुर्वी दाखल गुन्हयात मदत करणेकरीता १५ ते २० लाख रुपयांची मागणी केलेबाबत गुन्हा दाखल झालेला आहे.
यूनिट -२ प्रभारी वरिष्ठ पोलीस निरीक्षक, क्रांतीकुमार पाटील यांना दाखल गुन्हयाचा समांतर तपास करुन, आरोपींना तात्काळ अटक करण्याचे आदेश दिले होते. युनिट-२ चे प्रभारी अधिकारी यांनी सपोनि. विशाल मोहिते व पोलीस अंमलदार, मोहसीन शेख, निखिल जाधव, पुष्पेंद्र चव्हाण अशी टीम तयार करुन, आरोपींचा तांत्रिक विश्लेषण व त्यांचे बातमीदारांमार्फत शोध घेत असताना पोलीस अंमलदार मोहसीन शेख व पुष्पेंद्र चव्हाण यांना सदरचा गुन्हा अमित जगन्नाथ कांबळे, रा. नवी पेठ, पुणे याने केला असलेबाबत निष्पन्न झाल्याने,त्यांस दिनांक ०८/०४/२०२३ रोजी मिळालेल्या बातमी प्रमाणे युनिट – २ पथकाचे अधिकारी व अंमलदार यांनी सापळा रचुन ससून हॉस्पिटलचे पाठीमागील राजीव गांधी रोडलगत हनुमान मंदीरा जवळ ताब्यात घेतले आहे.
अमित जगन्नाथ कांबळे (रा. नवी पेठ) असे अटक करण्यात आलेल्याचे नाव आहे. त्याने काही दिवसांपूर्वी पुणे कॅन्टोन्मेंटच्या माजी नगरसेवकाच्या मोबाईल क्रमांकावर संपर्क केला. मी मुंबई पोलीस दलातील सहायक पोलीस आयुक्त आहे अशी बतावणी करत तुमच्या विरुद्ध दाखल झालेल्या गुन्ह्यात मदत करतो. , असे सांगितले. या प्रकरणी लष्कर पोलिस ठाण्यात माजी नगरसेवकाने फिर्याद दिली होती.
सदर आरोपींची वैद्यकीय तपासणी करुन लष्कर पोलीस स्टेशनचे ताब्यात देण्यात आले आहे. सदर आरोपी रेकार्डवरील सराईत गुन्हेगार असुन, त्याने पोलीस, डॉक्टर असल्याची बतावणी करुन पुणे शहर व पिंपरी-चिंचवड आयुक्तालयाचे हद्दीत एकुण २० पेक्षा अधिक गुन्हे केलेबाबत तपासात निष्पन्न झाले आहे.
सदरची उल्लेखनिय कामगिरी मा. पोलीस आयुक्त, श्री. रितेश कुमार, मा. पोलीस सह आयुक्त, श्री. संदिप कर्णिक, मा. अप्पर पोलीस आयुक्त, गुन्हे, श्री. रामनाथ पोकळे, मा. पोलीस उप-आयुक्त, गुन्हे, श्री. अमोल झेंडे, मा. सहा. पो. आयुक्त गुन्हे, श्री. सुनिल पवार यांचे मार्गदर्शनाखाली पोलीस निरीक्षक, क्रांतीकुमार पाटील, सहा. पोलीस निरीक्षक, विशाल मोहिते, पोलीस अंमलदार, संजय जाधव, मोहसीन शेख, निखिल जाधव, पुष्पेंद्र चव्हाण, उत्तम तारु, विनोद चव्हाण, विजय पवार, नागनाथ राख, रेश्मा उकरंडे, साधना ताम्हाणे, शंकर नेवसे, नामदेव रेणुसे, उज्वल मोकाशी या पथकाने केलेली आहे.
ACS POLICE CRIME SQUAD ONLINE PORTAL
CHIEF EDITOR WAJID S KHAN 9822331526
फेसबुक पेज लाईक आणि फॉलॉसाठी क्लिक करा..👇🏻
https://www.facebook.com/acspolicecrimesquad/
आमचे टेलिग्रामवर जॉईंट होण्यासाठी खालील लिंकवर क्लिक करा👇🏻
Acs Police Crime Squad News Portal
https://t.me/AcsPoliceCrimeSquad
.
