फरासखाना वाहतूक विभागातील पोलिसांचे जीवावर उदार होऊन पीएमटी बसचालकाचा जीव वाचविण्यात यश,apcs.in

August 26, 2025 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

फरासखाना वाहतूक विभागातील पोलिसांचे जीवावर उदार होऊन पीएमटी बसचालकाचा जीव वाचविण्यात यश,

पुणे शहरात आज एक हृदय पिळवटून टाकणारी घटना घडली. गणेशोत्सवाच्या पार्श्वभूमीवर छत्रपती शिवाजी महाराज रोड, कसबा पेठ येथे ड्युटीवर असलेल्या फरासखाना वाहतूक विभागातील पोलिसांनी वेळीच धाव घेऊन एका बसचालकाचा जीव वाचविला.
आज दिनांक २५/०८/२०२५ रोजी पोलिस कॉन्स्टेबल १६९६ रमेश भारवे व महिला पोलिस कॉन्स्टेबल १०२९ अर्चना निमगिरे हे वाहतूक नियमनाचे काम पाहत असताना लक्ष्मी रोडवरील एमएच-१२-क्यूजी-२०६७ ही सिटी बस थांबली. त्या वेळी बसचालक अनिल दत्तात्रय झगडे (वय ४२) यांना अचानक हृदयविकाराचा झटका आला आणि ते गाडी चालवताना बेशुद्धावस्थेत कोसळले.

बसमधील प्रवाशांमध्ये घबराट पसरली होती. त्यावेळी पोलिस कर्मचारी रमेश भारवे व अर्चना निमगिरे यांनी धाडस दाखवत तत्काळ बस थांबवली व चालकाला बाहेर काढले. भारवे यांनी तात्काळ सीपीआर देऊन प्राथमिक उपचार केले. त्यानंतर चालकाला उपचारासाठी ससून हॉस्पिटलमध्ये दाखल करण्यात आले.पोलिस अधिक्षक श्री. संजय गायकवाड व पोलीस उप अधिक्षक श्री. राजेश अष्टेकर यांच्या मार्गदर्शनाखाली, वाहतूक विभागाने दाखवलेल्या तत्परतेमुळे चालकाचा जीव वाचला आहे.