महायुतीचे उमेदवार चेतन तुपे पाटील यांचे कोंढवा परिसरातील दौऱ्यादरम्यान ठिकठिकाणी स्वागत केले.apcs.in

November 2, 2024 wajid s khan

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526

महायुतीचे उमेदवार चेतन तुपे पाटील यांचे कोंढवा परिसरातील दौऱ्यादरम्यान ठिकठिकाणी महिलांनी स्वागत केले.

चेतन तुपे पाटील यांचा भेटींसह बैठकांचा धडाका

हडपसर, ता. १ हडपरसर मतदारसंघातील महायुतीचे उमेदवार आमदार चेतन तुपे पाटील यांनी मतदारसंघाच्या विविध भागातील कार्यकर्ते व मतदारांशी संवाद साधण्यावर भर दिला आहे. काही ठिकाणी गृहभेटी तर काही ठिकाणी कोपरा बैठका त्यांनी घेतल्या. त्यांच्या या दौऱ्याचे मतदार व कार्यकर्त्यांकडून उत्साहात स्वागत करण्यात आले.

चेतन तुपे पाटील यांनी मतदारसंघातील माळवाडी, महंमदवाडी, कोंढवा भागातील विविध सोसायट्यांमध्ये जाऊन मतदारांच्या भेटी घेतल्या. महायुती सरकारने राबवलेल्या विविध योजना व त्याचा नागरिकांना होत असलेला लाभ यावर महिलांसह अनेक नागरिकांशी चर्चा केली.

कुमार पाम सोसायटीमधील नागरिकांनी बैठक घेऊन त्यामध्ये तुपे पाटील यांचे स्वागत केले. माजी नगरसेविका नंदा लोणकर, हसीना इनामदार, गफुर पठाण, फारुख इनामदार, रईस सुंडके, समीर शेख तसेच सोसायटीमधील सभासद उपस्थित होते. तुपे पाटील म्हणाले, “महायुती सरकारने मतदारसंघातील अनेक मोठे प्रश्न मार्गी लावले आहेत. केवळ हडपसर मतदारसंघाच्या नव्हे तर राज्याच्या विकासासाठी यापुढेही या डबल इंजिन सरकारची गरज आहे. गाठीभेटी दौऱ्यात मिळणारा आपला प्रतिसाद पाहता त्याला ताकद देण्याची सुरुवात हडपसर मधून होईल, अशी खात्री आहे.”

ACS POLICE CRIME SQUAD ONLINE PORTAL

CHIEF EDITOR WAJID S KHAN 9822331526